Në 27-vjetorin e masakrës së Srebrenicës, deputetja demokrate Grida Duma ka bërë thirrje që kjo masakër të mos harrohet kurrë, ndërsa shton se është genocidi më i rëndë pas Luftës Botërore.
Në një postim në Facebook, Duma shkruan se ne shqiptarët nuk jemi në atë anë të historisë që thjeshtë duhet ta kujtojmë, por duhet të ndëshkojmë çka ndodhur dhe të parandalojmë ç’mund të ndodhë!
Postimi:
“Kurrë mos harroni Srebrenicën!”
Masakra e Srebrenicës, është genocidi më i rëndë i Bosnjës pas Luftës Botërore.
Mbarë bota në mediumet kryesore përkujton dhe thërret për drejtësinë e duhur, ndaj masakrës së Srebrenicës në Korrik të 1995.
Titujt ndërkombëtarë ndër vite janë edhe më goditës se ata të mediave ballkanase:
“The Times – … A e ka humbur bota interesin për të gjurmuar kriminelet e luftës”
“The guardian – Përkujtimi i masakrēs me sytë e dëshmitarit”
“Foreing policy – Turpi i Srebrenicës”
Masakra e Srebrenicës është një histori Ballkani, është dhe historia jonë, është një histori shqiptare që duhet ta ndjejmë dhe e kemi në lëkurë me bashkombasit tanë kosovarë.
Ne, shqiptarët, nuk jemi në atë anë të historisë që thjeshtë duhet ta kujtojmë, ne jemi në qendër të historisë që duhet të veprojmë ndaj çdo hije dhune genocidi; të ndëshkojmë çka ndodhur, të parandalojmë ç’mund të ndodhë!
Ta bëjmë këtë duke mbrojtur me çdo mjet e mënyrë, politike dhe kombëtare, paqen e drejtë në Ballkan dhe drejtësinë e plotë, ndaj kujtdo që ka vuajtur me jete e me breza nga dhuna e genocidit nacionalist apo fetar.
Përkujtojmë masakrën e Srebrenicës, jo për të mos harruar por për të vepruar nëse historia tenton të përsëritet.
E Ballkani është rrezikuar shpesh nga përsëritja e historisë së tij më të keqe.
Discussion about this post