Nënkryetarja e Partisë Demokratike, Grida Duma, në një bashkëbisedim me gratë demokrate, ka ndarë momente nga protesta e 8 janarit, ku tha se lidershipi i PD vendosi të vetëpërmbahej në ato çaste të vështira dhe të bënte durim.
Krah Lulzim Bashës, Duma tha se ndjen mjerim ndaj Sali Berishës që pati pushtet për 30 vite dhe nuk diti të ndahet nga kjo politikë e dhunës dhe urrejtjes.
“Shumë nuk e dinë çfarë ka ndodhur atë ditë, sepse kemi zgjedhur strategjinë e durimit, përmbajtjes. Nuk kam dëgjuar një grua demokrate që të mos thotë mos ia ktheni, mos ia ktheni, mos bëni të njëjtën gjë. Ne e kemi bërë këtë diskutim. A duhet të jemi ne forca politike që sjell atë të argumentit si forcën më të madhe. E kam pasur edhe vetë personalisht dhe e di që ata që merren me politikë e kanë këtë pikëpyetje. Themi nëse duron a dukemi më të dobët? Unë them se kjo është sfida më e madhe që kemi që durimi duhet të triumfojë si forcë e jo si dobësi. Është më e madhe forca e durimit se forca e atij që nuk vetëpërmbahet dhe shkatërron dhe është errësuar në gjithçka. Nuk shoh mjerim më të madh për Berishën se sa ai të mbledhë 5 njerëz apo 10 njerëz që i respektoj. Ka njerëz që e bëjnë me qartësi dhe errësim se nuk kanë më të ardhme. Është mjerim për një njeri që prej 30 vite pati pushtet dhe në fund të tunelit të tij nuk arrin dot të ndahet nga jeta politike siç i takon me trashëgiminë që demokratët ju lutën t’ia jepnin”, tha Duma.
Ndër të tjera, Duma i bëri thirrje demokratëve pro Berishës duke iu thënë të ndahen nga ai pasi po i keqpërdor.
Discussion about this post