Deputetja e Partisë Demokratike, Grida Duma ka zbuluar për herë të parë “ultimatumin” që i është vendosur Lulzim Bashës që të largohet nga posti i kryetarit të PD-së pas humbjes tronditëse në zgjedhjet e 6 marsit.
Nga Elbasani, Duma tha për mediat se Basha ka kohë deri ditën e nesërme për tu larguar, duke zbuluar se strategjia e vetme është ndërtimi i një komisioni të përbashkët të përbërë nga grupi parlamentar dhe ai i “Foltores” për zgjedhjen e kreut të ri të PD.
“PD nuk duhet të zvogëlohet. E dalë forcë e tretë, personat që i bën dëm PD duhet të tërhiqen pas. I kemi lënë kohë ditën e nesërme për të bërë hapat pas si kundër dhe ai e ka kërkuar. Nuk ka rrugë tjetër veçse të tërhiqet. Ka një strategji, e vetmja ndërtimi i një komisioni nga deputetet e grupit parlamentar dhe ata të Foltores të cilët duhet ta çojnë PD te procesi i zgjedhjeve”, tha Duma.
Discussion about this post