Deputetja demokrate Grida Duma deklaroi në Konferencën e Kryetarëve se mazhoranca po tallet me opozitën, pasi socialistët nuk do binin kurrë dakord për emrin e propozuar nga ata.
Mes të tjerash, deputetja Grida Duma shtoi se emri i Presidentit i votuar me 71 vota do të jetë në shërbim të mazhorancës, ndërsa këmbënguli dhe njëherë tjetër që edhe këtë javë t’i lihet në dorë opozitës për të negociuar një emër.
“Nuk kam asnjë dyshim që qëllim juaj si mazhorancë është të vendosni shkopinj dhe të përçani opozitë. Rruga është e gjatë. Ajo që thoni ju është tallje e madhe. Se thoni na sillni një emër dhe më pas shohim nëse e pranojmë. Kemi vetëm një mënyrë. Emri negociohet dhe nuk kërkohen 20 deputetë se ndryshe del kushdo se e garanton kushtetuta. Kjo nuk është negociatë dhe as dakordësi. Nuk duhet të heq kapelën para jush. Do e zgjidhni me 71 vota. Dhe nuk dua të di dhe as që do ju bëj thirrje për personalitet të mirë. Nuk ka rëndësi nëse është zgjedhur vetëm nga ju se është i detyruar tu përulet juve. U thash që lërjani opozitës të zgjedh dhe më pas të shkohej me dakordësi. Ju jeni tallur. Fakti që nuk merrni pjesë është të djegim raundet e këtyre. Është tallje e vetëdijshme e juaja. Ka dhe një javë kohë lërjani opozitës meqenëse donit kompromis. Dhe të shkojmë me emër të dakordësuar”, tha Grida Duma.
Discussion about this post