Gazetari i njohur Arjan Çani, në një intervistë për mediat ka komentuar vizitën e të dërguarit të SHBA Gabriel Escobar në Tiranë dhe takimin me Lulzim Bashën. Çani tha se kjo vizitë e Escobar në selinë e PD, është në favor të Bashës dhe se sot amerikanët i dhanë atij një dorë.
“Vizita e Escobar fiks dy ditë para Kuvendit të doktorit dhe delegatëve, për mua duam apo nuk duam është në favor të Lul Bashës. Mendoj se është në favor të Bashës, sepse Basha me ardhjen e Escobar, të paktën siguroi një gjë, që të gjithë atë tymnajë dhe hipoteza që hidheshin nëpër media, që Basha presupozohet të shkarkohet, ishte krijuar ideja sikur do të shkonin jo Berisha, por anëtarë, në seli për ta marrë” – tha Çani.
Ai shtoi se nëse ka pasur një plan që mbështetës të Berishës të hyjnë në seli pas Kuvendit të datës 11, kjo ka gjasa të mos ndodhë pas vizitës së Escobar.
“Të paktën ardhja e Escobar, edhe nëse e kishin këtë ide njerëz të doktorit, Luli është më i qetë. Nuk besoj se doktori edhe pse ka kurajo, nuk e bën dot tre ditë pas. Në këto momente doktori nuk i ka shumë të favorshme pozitat, sepse loja po bëhet pro Bashës. A mund të shpëtohet Lulzim Basha? Unë them se sot Escobar i dha një dorë” – deklaroi Çani.
Discussion about this post