Prej disa javësh në vendin tonë është shfaqur gripi i shpendëve, qytetarët janë në panik dhe të pa sigurt për çfarë konsumojnë. Për këtë Ministria e Bujqësisë ka bërë publik bilancin e orëve të fundit në lidhje me infektimet. Përmes një njoftimi publik ministria bën me dije se në 24 orët e fundit nuk është identifikuar asnjë vatër e re dhe asnjë rast i ri me gripin e shpendëve.
“Nuk kemi asnjë rast të ri të konfirmuar. Nuk kemi vatra të reja infeksioni. Nuk kemi asnjë stabiliment me drejtim prodhim për mish të infektuar. Vazhdon monitorimi i vazhdueshëm në Organizatën Botërore të Shëndetit të Kafshëve mbi situatën epidemiologjike të shfaqjes së influencës aviare me qëllim marrjen e masave kufizuese për importin në vend. Vazhdon procesi për fuqizimin e flotës së veterinerëve zyrtarë Jemi në monitorim të vazhdueshëm të të gjithë territorit”, thuhet në njoftim. Gjithsesi nuk janë dhënë rezultatet të kontrolleve që janë bërë për evidentuar nëse mishi dhe vezët që qarkullojnë në treg janë të sigurta.
Discussion about this post