Policia e Gjirokastës ka dhënë njoftimin zyrtar në lidhje me plagosjen e mbrëmjes së djeshme, ku janë shpallur në kërkim dy vëllezër, pasi kanë dhunuar një grua në ambientet e një lokali në lagjen “18 Shtatori”. Personat në fjalë, janë ish bashkëshorti dhe ish kunati i gruas së dhunuar.
Ndërkohë, që dy personat e shpallur në kërkim, kanë plagosur edhe një 33- vjeçar.
Njoftimi i Policisë
Specialistët për Hetimin e Krimeve në Komisariatin e Policisë Gjirokastër shpallën në kërkim shtetasit F. S. dhe G. S.(vëllezër) pasi këta shtetas gjatë mbrëmjes së datës 25.09.2021, në një bar-kafe në lagjen “18-Shtatori”, Gjirokastër kanë dhunuar fizikisht dhe psikologjikisht shtetasen O. S.(ish bashkëshortja e shtetasit F. S.).
Gjithashtu për motive të dobëta kanë qëlluar me mjet mprehës dhe dorezë hekuri shtetasin S. G., 33 vjeç, banues në Gjirokastër, i cili ndodhet në Spitalin Rajonal Gjirokastër jashtë rrezikut për jetën.
Vijon puna intensive për kapjen dhe ndalimin e shtetasve F. S. dhe G. S.
Rikujtojmë, që plagosja ka ndodhur pranë Drejtorisë së Policisë së Gjirokastrës.
