Amra Silajdzic-Dzeko ka shpërndarë në profilin e saj në Instagram fotografi, ku ka pozuar me fanellën e klubit të futbollit, Fenerbahce, duke përkrahur kështu bashkëshortin e saj.
Edin Dzeko ka nënshkruar me gjigantit turk dhe me këtë rast së bashku me familjen është transferuar në Stamboll.
Modelja e famshme boshnjake ka vendosur ta mbështesë duke veshur fanellën e klubit të famshëm turk dhe në postim ka shkruar: “Ngjyrat”, duke iu referuar ngjyrave në fanellën e Fenerbahces.
Në imazhin e postuar, Amra ka ngritur fanellën dhe ka nxjerrë në pah figurën trupore dhe këmbët e gjata dhe ka marrë komplimente të shumta.
Familja Dzeko aktualisht po shijon pushimet e përvitshme në Belek që ndodhet në Antalia, i njohur për resortet e shumta luksoze.
Sulmuesi boshnjak ka nënshkruar kontratë dyvjeçare me Fenerbahcen, nga e cila raportohet se do të përfitojë 4.5 milionë euro në sezon.
Discussion about this post