Gruaja e presidentit të Ukrainës, Olena Zelenskyy ka reaguar për herë të parë zyrtarisht pas luftës dhe bombardimeve që Rusia po i bën vendit të saj. Sipas BBC, në njw letër të shkruar ajo përmendi disa fëmijë që ishin viktimave të luftës, si Alisa tetëvjeçare, e cila vdiq në rrugët e Okhtyrka, ndërsa gjyshi i saj u përpoq ta mbronte.
Ajo gjithashtu ka përmendur vogëlushët Polina dhe Arseniy nga Kievi të cilët patën një fund tragjik. Polina u vra nga ushtria ruse së bashku me prindërit e saj në makinë kur po mundoheshin të largohen nga qyteti, ndërsa 14-vjeçari Arseniy u godit në kokë nga rrënojat, dhe nuk mundi të shpëtohej sepse një ambulancë nuk mundi të shkonte tek ai në kohë për shkak të zjarreve intensive.
Në letër Zonja e Parë e Ukrainës falënderoi mbështetjen e komunitetit ndërkombëtar dhe vendeve fqinje që kanë pranuar refugjatët ukrainas në këtë periudhë të vështirë për ta.
Gjithashtu i bëri thirrje vendeve perëndimore që të shpallin një zonë ndalim-fluturimi në qiellin e Ukrainës. NATO i ka rezistuar këtij veprimi sepse do që të përfshijë forcat perëndimore që të angazhohen ushtarakisht me avionët rusë.
“Ne kemi nevojë për ata që janë në pushtet për të mbyllur qiellin. Mbyllni qiellin dhe ne vetë do ta menaxhojmë luftën në terren. Me këtë letër, unë dëshmoj dhe i them botës: lufta në Ukrainë nuk është një luftë ‘diku atje’. Kjo është një luftë në Europë, afër kufijve të BE-së. Nëse nuk e ndalojmë Putinin, i cili kërcënon të nisë një luftë bërthamore, nuk do të ketë vend të sigurt në botë për asnjë prej nesh,”-shkruan ajo në letër.
View this post on Instagram
Discussion about this post