Dalja e lumit Vjosa nga shtati shkaktoi përmbytje të mëdha në fshatin Ferras të Fierit, ku një nga banorët shprehet i dëshpëruar se orenditë i japë përmbytur duke e detyruar të dalë nga shtëpia.
Ai është përlotur para mediave kur tha se ka gruan e sëmurë dhe mbrëmjen e djeshme kanë kaluar natën në makinë pasi ishte përmbytur.
“Banoj në Ferras, lumi del gjithmonë, tani ka nja dy vjet që s’ka dalë, gruan e kam të sëmurë është me diabet, i vajti dje 350, dje në dark u larguan nga banesa fjetëm në makinë, të tëra janë shkatërruar, nuk jam në gjendje të flas më në çdo vit ato shkatërrohen nuk bëjnë më, kur mblidhet një i sëmurë mblidhen të tëra tek ai, i dhembin të tëra kocat nga lagështia se fjetëm jashtë mbrëmë se s’kemi ku të shkojmë, nuk flemë dot brenda”, tha banori.
Ndër të tjera, banori tha se i bën thirrje qeverisë ta ndihmojë, ndërsa shprehej i dëshpëruar se nuk kishte ku të shkonte.
“I bëj thirrje kush të më ndihmojë, qeveria po erdhën dhe bizneset të ndihmojnë se s’kemi ku të flemë. Erdhën dhe emergjencat civile nuk futeshin dot, u përmbyt çdo gjë, shyqyr doli dielli sot dhe do ngrohemi në diell, në darkë ku të shkojmë, tek të afërmit të gjithë kanë hallet e tyre. S’di çfarë të bëj, gruan e kam me probleme shëndetësorë, të gjitha janë të shkatërruara, nuk di ç’të them më”, shtoi ndër të tjera ai.
Më herët, banorë të tjerë të fshatit Ferrras thane së ndihen të zhgënjyer pasi qeveria nuk ka marrë asnjë masë për përmbytjet dhe se nuk kanë marrë as dëmshpërblimet e viti 2015.
Discussion about this post