Çdo ditë e më shumë po dalin detaje të reja rreth aferës së madhe korruptive të bërë nga Erion Veliaj me inceneratorin e Tiranës. Këtë herë skandali ka marrë përmasa edhe më të mëdha, pasi me sa duket Veliaj paska “punuar” familjarisht për të ndërtuar këtë skemë korruptive.
Në dokumentacionin e inceneratorit të Tiranës që po qarkullon në mediat, evidentohet se një ndër shumë faktet kompromentuese të kryebashkiakut, Erion Veliaj, janë dhe disa emra juristësh që kanë marrë pjesë në negocimin final, të kontratës së këtij koncesioni.
Në dokument evidentohet se në datën 25 gusht 2017, Klodian Zoto, pronari i kompanisë fituese “Integrated Energy”, autorizon 5 persona që të përfaqësojnë kompaninë në fjalë në të gjitha mbledhjet që do kryhen, me qëllim negocimin deri në fund të kontratës, si dhe të nënshkruajnë në emër të saj çdo dokument të nevojshëm.
Sipas këtij dokumenti, 5 emrat janë Flonia Tashko, Florian Hasko, Denisa Tollkuci, Rajmonda Braja dhe italiani, Giuseppe Ciaffaglione, i cili rezulton të jetë dhe firmëtar i kësaj kontrate koncesionare.
Këtu fillon dhe loja e vëretët se Veliaj ka lidhje të ngushtë me personat në fjalë. Flonia Tashko dhe Florian Hasko janë të dy pjesë e studios ligjore “Tashko-Pustina”. Si për rastësi, pjesë e kësaj studio ligjore ka qenë për disa vite dhe Ajola Xoxe, gruaja e kryebashkiakut Veliaj, e cila pa dyshim ka përpiluar dokumente dhe ka ushtruar influencën e saj në mbarimin e punëve të kësaj studio.
Ndër të tjera në dokument thuhet se Amiran Dzanashvili, që bleu “Xhoi Lloton” në Shqipëri, autorizonte për veprime juridike, juristët e kësaj zyre, Florian Hasko, Floran Pustina, Ajola Xoxen dhe Jolita Hoxhollin.
Lidhja shoqërore por dhe partneriteti në punë i Ajole Xoxes me këtë zyrë avokatie që ka negociuar kontratën për inceneratorin dhe landfilldin e Tranës, duket shumë hapur. Dy nga kolegët e dikurshëm të Ajola Xoxes, Florian Hasko dhe Flonia Tashko, kanë negociuar kontratën e inceneratorit të Tiranës, që më pas është miratuar menjëherë nga Erion Veliaj.
Sakaq kujtojmë se projekti për inceneratorin e Tiranës po mbetet në letër dhe është përllogaritur në një shtrirje kohore prej 30 vjetësh, ndërsa xhiroja financiar mësohet se shkon diku tek 400 milion euro.
Discussion about this post