Gruaja gjen bretkosën brenda qeses me spinaq: Mirë që s’e hëngra

Një grua në SHBA tregoi se u tremb kur zbuloi një bretkosë të gjallë në një qese me spinaq të blerë nga një market.

Amber Worrick nga Southfield zbuloi se ajo bleu paketën e mbyllur të spinaqit në fillim të kësaj jave. Kur u kthye në shtëpi, vajza e saj gjeti brenda një bretkosë të gjallë dhe bërtiti.

“Ishte e gjallë dhe lëvizte,” tha Worrick. “Vetëm falënderoj Zotin që nuk e hëngra bretkosën.”

Ajo e ktheu menjëherë pakon dhe bretkosën në dyqan. Ndërkohë, punëtorët i dhanë një rimbursim.

Ndoshta po ta kishte puthur do kthehej në princ, ose jo. Nuk do ta zbulojmë kurrë.