Policia e Durrësit njofton se në ambjentet e komisariatit të qytetit ndodhet një grua. Sipas policisë, gruaja rreth 40 vjeçe është gjetur nga patrulla e përgjithshme në rrugë, por nuk mban mend as emrin e as lagjen ku banon.
Uniformat blu kanë dhënë edhe detaje të përshkrimit të gruas, duke iu bërë thirrje familjarëve që të paraqiten në komisariat.
Njoftimi i policisë:
Durrës
Në ambientet e Komisariatit të Policisë Durrës, ndodhet një shtetase që nuk mban mend emrin dhe adresën e banimit, e cila është gjetur në rrugë, gjatë patrullimit nga shërbimet e Patrullës së Përgjithshme.
Kjo shtetase është e moshës rreth 40 vjeçe, e gjatë rreth 1.60 cm dhe mban të veshura xhup të zi dhe xhinse.
Familjarët ose të njohurit e kësaj shtetaseje mund të paraqiten në ambientet e Komisariatit të Policisë Durrës ose të telefonojnë në numrin 112.
Discussion about this post