Në takimin me kryebashkiakët, ditën e sotme kryeministri Edi Rama ka debatuar me kryetarin e bashkisë së Fierit, Armando Subashi në lidhje me pikat e grumbullimit për produkte bujqësore dhe blegtorale.
Gjatë fjalës së tij kryeministri Edi Rama u shpreh se vetëm në Bashkinë Lushnjë janë 40 pika grumbullimi, dhe sipas tij kjo është bërë bazë e zhvillimit në eksporte.
“Kemi 40 pika grumbullimi tha Eriselda në Lushnjë. E kemi nisur me numër qesharak, por sot kemi 40 në Bashkinë Lushnjë, tha ajo. Këto janë bërë baza e atij zhvillimi që kemi patur në eksporte. Nëse kjo 40 ishte inkurajuese, ishte një pikë tjetër që ne të ulemi kokën, të fikim kamerat, ishin vetëm në atë zonën tjetër, ishin 2 pika përpunimi. Ndërsa se dëgjova në Fier? Sa janë në Fier? Mos më jep përgjigje socialiste!”
Nga ana tjetër, kryebashkiaku i Fierit, Subashi ju përgjigj se në Fier janë mbi 20 pika grumbullimi për produkte blegtorale dhe 1 pikë për bujqësore, e cila mbledh 90% të gjitha produktet bujqësore të fermerëve.
“Mbi 20 pika për produktet blegtorale, dhe 1 pikë e madhe për bujqësore, e cila mbledh 90% të gjitha produktet bujqësore të fermerëve në pikën e tyre…Më lër të mbaroj!”
Por, kryeministri Rama nuk e ka lënë me kaq, teksa është shprehur se s’duhet të kënaqen me rezultatin që kanë arritur deri më tani por të vazhdojnë përpara, dhe se bashkitë duhet të aktivizohen, që të kalojnë në një nivel tjetër.
“Ça të mbarosh. Fieri ka gjithë atë prodhim. Është e domosdoshme, e kam thënë disa herë, s’duhet të kënaqemi duke parë ku ishim dhe atë që kemi arritur, pasi po të ishte kështu do ishim duke fjetur. Por duhet të kalojmë veten! Bashkitë duhet të aktivizohen, t’i kalojmë në një nivel tjetër. Në nivelin e entiteteve që krijojnë sipërmarrje fitimprurëse, që nxisin krijimin e tyre.”
Discussion about this post