Protesta kundër qeverisë ka hyrë në ditën e saj të 44-t radhazi, ndërsa qindra qytetarë janë mbledhur edhe këtë mbrëmje në Sheshin “Skënderbej” në Tiranë për të kërkuar dorëheqjen e menjëhershme të kryeministrit Edi Rama.
Me pankarta dhe thirrje kundër korrupsionit, protestuesit nisin grumbullimin në qendër të kryeqytetit.
Në tubim marrin pjesë qytetarë, aktivistë, të cilët përsërisin se protesta do të vijojë deri në arritjen e objektivit të tyre politik.
Kërkesa kryesore e protestuesve mbetet largimi i kryeministrit Rama nga detyra, ndërsa ata deklarojnë se nuk do të tërhiqen deri në plotësimin e kësaj kërkese.
Organizatorët kanë bërë thirrje për pjesëmarrje masive dhe për zhvillimin paqësor të protestës.
Kjo është protesta e 44-t radhazi në kuadër të revoltës qytetare, e cila sipas organizatorëve do të vazhdojë edhe në ditët në vijim, derisa të ketë një reagim konkret ndaj kërkesave të tyre.
Discussion about this post