Kreshnik Spahiu thotë se negociatat që përflitet se do të nisin për bashkimin e PD dhe grupit të Berishës janë thjeshtë një teatër pasi si Basha dhe Berisha bën sikur u rrahën me njëri-tjetrin vetëm nga halli i SHBA-së që e shpalli këtë të fundit ‘non grata’. Me ironi Spahiu shkruan se negociatat do të zgjedhin Berishën kryetra i PD e Bashës nën-kryetar i Parlamentit.
“Boll luajtët teatër. Zgjidhni Berishën kryetar dhe Bashën zv/kryetar parlamenti. Të dyja vendet bosh i keni ruajtur prej 9 vitesh. Lërini këto përralla me negociator, se filmi është kuptuar. E dimë që nga halli amerikanëve, bëtë sikur u rrahët me njëri-tjetrin. Ju e keni zakon të puthni atë që pështyni, por s’ka problem se kanë kaluar 2 muaj nga dajaku. Me shqiptarët 3 ditë zgjat çudia. Jeni brenda afati”, shkruan Spahiu.
Lulzim Basha dha dorëheqjen më 21 mars nga kreu i PD ndërsa tha se fillimisht në parti do të bëhet një analizë e thellë për ringritjen e partisë dhe më pas do të zhvillohen zgjedhjet brenda PD. Largimi i tij dha sinjale të qarta nga të dyja grupet e PD, ai i Bashës dhe ai i Berishës që të nisin negociatat për bashkimin e tyre.
Discussion about this post