Demokratët e grupit të Alibeajt nuk kanë ende një vendim nëse do të hyjnë në zgjedhjet e 14 Majit me anëtarë në çdo bashki.
Pas mbledhjes së një dite me parë me grupin parlamentar dhe takimit të sotëm me kolegjin e kryetarëve, vijon mbledhja e kryesisë, ku duket se demokratët janë sërish të ndarë.
Burime bëjnë me dije se deputetja Oriola Pampuri, Taulanta Jupi apo anëtari i kryesisë Agron Kapllanaj mbështesin idenë e kandidimit me anëtarë në çdo bashki. Kujtojmë se ky i fundit do të garojë për bashkinë Mallakastër.
Ndërkohë, Kreshnik Çollaku i qëndron mendimit për të mos nxjerrë kandidatë në bashkitë ku kandidatët e primareve kanë premisë fituese.
Vetë Alibeaj një ditë më parë, bëri të ditur se vendimi nuk do të jetë i tij, por i strukturave dhe njoftoi se ky vendim do të merret ditën e sotme. Kujtojmë se ndërkohë është mbledhur edhe kryesia e PS për të vendosur emrat garues të kësja force politike për 61 bashkitë.
Discussion about this post