Grupi i Berishës njofton për deklaratë nga selia blu, Basha u mbyll derën

Një ditë pas protestës së dhunshme të thirrur nga ish-kryeministri Sali Berisha, një grup mbështetësish të tij, njoftuan një deklaratë nga selia blu.

Por këtë herë, Basha duket i vendosur të mos lejojë askënd të dhunojë selinë, pasi i ka vendosur drynin derës së jashtme për të mos lejuar deputetët e Berishës të futen brenda.

Dita e djeshme protesta u shoqërua me tensione të mëdha pasi mbështetësit e Berishës tentuan të futeshin brenda në seli, por pa sukses pasi krerët e PD njoftuan policinë. Kjo e fundit tha sot se janë arrestuar në flagrancë 34 shtetas, ndërsa janë proceduar penalisht 18 të tjerë, mes të cilëve edhe deputetët Flamur Noka dhe Gazment Bardhi.