Grupimi për PD-në pritet që të shpallë nesër dy kandidatët për kreun e partisë. Mesohet se, dy emrat që do të propozohen nga grupimi për PD janë ish-kreu i PD në Kukës Ibsen Elezi dhe ish-anëtarja e kryesisë, Edith Harxhi.
Këta janë dy emrat që janë dakordësuar në mbledhjen që po zhvillohet sot, më pas pritet që grupimi të dalë me një deklaratë për mediat.
Të shtunën përfundon afati për të gjithë kandidatët që synojnë të jenë pjesë e garës për kreun e Partisë Demokratike. Të dielën pritet një mbledhje e kryesisë ndërsa zgjedhjet brenda partisë mbahen më 13 qershor.
