Pep Guardiola ka konfirmuar ditën e sotme që Gabriel Jesus nuk do të sakrifikohet në përpjekjen e Manchester City për të sjellë sulmues të tjerë. Blutë e Londrës janë ende në kërkim të Harry Kane nga Tottenham dhe kohët e fundit po diskutohet që klubi është në gjëndje të bëjë gjithçka për të.
Kane ka rezultuar të jetë objektivi kryesor i City në merkaton e kësaj vere, pasi drejtuesit e klubit e shohin sulmuesin anglez si pasuesin ideal të Sergio Agueros së larguar.
Afrimi i Kane është lidhur shumë edhe me një largim të mundshëm të brazilianit Jesus, por kështu nuk mendon edhe trajneri Guardiola.
Guardiola ka thënë se braziliani është një lojtar i rëndësishëm dhe mund t’i mbulojë disa pozicione, duke lënë të kuptohet se ai nuk do të largohet.
“Gabriel është një lojtar tepër i rëndësishëm për ne”, ka thënë fillimisht Guardiola.
“Gjithmonë mendja e tij ishte në vendin e duhur dhe ai mund të luajë si sulmues kryesor ose edhe në pozicione më anësore”.
“Ai është një lojtar i jashtëzakonshëm, nuk ka dyshim për këtë”, përfundoi trajneri i City.
