Trajneri i skuadrës së Manchester Sitit, Pep Guardiola është ankuar për mungesën e një sulmuesi në skuadër që garanton 25 gola në sezon. Spanjolli ka theksuar se vetëm me lojën ekipore mund të zvogëlohet ky problem.
“Kur humbasim një ndeshje, tifozët thonë se kemi nevojë për sulmues. Ne vetëm duhet të luajmë në grup për të marrë një rezultat pozitiv. Ne e dimë që ne nuk kemi një sulmues që shënon 25 gola për sezon, por duhet ta kompensojmë këtë mungesë me punë ekipore. Të gjithë duhet të përfshihen , kjo është ajo që ka rëndësi”, tha Guardiola.
