Pas ndeshjes të mbrëmjes së martë kundër Paris Saint-Germain të cilën e humbën me rezultatin 2-0, trajneri i Manchester City-t, Pep Guardiola ka folur për lojtarin që i tërhoqi më shumë vëmendjen.
Për habinë e të gjithëve për teknikun spanjoll më i miri nuk ka qenë Messi, por ylli i Kombëtares italiane Verrati.
“Unë jam i dashuruar me të. Verrati është i jashtëzakonshëm. Edhe nën presion, ai arrin të gjejë ato pasime, të cilat lejojnë që mesfusha të jetë e lirë. Nuk është një lojtar për pasime të gjata, por gjithmonë mund të mbështeteni tek ai për të ndërtuar lojën. Ne arritëm ta kontrollonim atë më mirë në pjesën e dytë, por në pjesën e parë ishte vërtetë i jashtëzakonshëm.”- u shpreh ai.
Më tej ai ka folur edhe për treshen MMN, Messi Mbappe dhe Neymar, për të cilët ka thënë se janë njësoj si dikur Messi Suarez dhe Neymar, pra lojtarë që nuk mundesh dot t’i ndalosh, pavarësisht përpjekjeve.
“Ata mund të ta marrin hapësirën. Janë lojtarë të jashtëzakonshëm si Messi-Suarez-Neymar te Barça. Jo shumë ekipe mund t’i kenë këta lojtarë. PSG, i ka ne nuk mund t’u kontrollonim ata. Është e vështirë ta kontrollosh Messin për 90 minuta. Është e vështirë ta ndalosh atë, na është dashur t’ia minimizojmë mundësitë që të prekte topin. Ne bëmë atë që dimë të bëjmë, mirë apo keq, por jemi ata që jemi. Kësaj here ishte Verrati i jashtëzakonshëm, që arriti të gjente lidhjen me Neymar.” -vijoi Guardiola.
Rikujtojmë që Guardiola ka shprehur gjithmonë simpatinë e tij më të madhe për yllin argjentinas, por mesa duket tashmë edhe Verrati është te më të pëlqyerit për trajnerin./K.T/Gijotina.com
