Rafael Guerreiro ka befasuar jo vetëm tifozët e klubit të tij të ri, Bayernit në prononcimin e fundit për shtyp, teksa ka rrëfyer se largimi nga Borusia Dortmundi nuk erdhi nga dëshira e tij, por si rrjedhojë e kushteve të paplotësuara nga bordi i klubit nën-kampion të Gjermanisë.
“Dëshira ime ishte të vazhdoja me BVB edhe pas sezonit të shkuar, por rruga mori kthesë si rezultat i faktorëve të ndryshëm, kështu që zgjodha Bayernin si ekipin më të përshtatshëm për të vijuar aventurën si futbollist, marrë në konsideratë ambicien time dhe të bavarezëve.
Tomas Tuchel dhe Cancelo luajtën rol kryesor që unë të vija në Bavari”, tha 29-vjeçari portugez.
Në raportimet e “Bild” ceket se Rafaeli i kishte kërkuar kontratë 3-vjeçare verdhezinjve, por që nuk mori miratim nga bordi i një-herë kampionëve të Europës. Pikërisht kjo ishte krisja fatale mes Guerreiros dhe BVB Dortmund.
Mbetet e paqartë se çfarë qasje do të kenë te tifozët e Bayernit frazat e tij, i cili ka firmosur për 3 vjet me rekordmenët dhe shikohet si opsion jo vetëm nga korsia e djathtë e mbrojtjes, por edhe në linjën e mesfushës.
Tashmë, pritet me vëmendje se si do ta presin ish-lojtarin e tyre, tifozët e Dortmund, kur Bayern të vizitojë Ruhrin.
Discussion about this post