Real Madridi ka konfirmuar pak orë më parë nënshkrimin e perlës së re të futbollit turk, Arda Güler. “Mbretërorët” kanë arritur të rrëmbejnë nënshkrimin nga Barcelona dhe nga Barcelona vazhdojnë të jenë të inatosur për të.
Në Santiago Bernabéu ata vazhdojnë të tërheqin talentet më të mirë të futbollit në botë dhe kanë arritur të mbyllin transferimin e këtij ylli të ri në zhvillim. Arda Güler do të jetë lojtar i Real Madridit dhe do të nënshkruajë për gjashtë sezone me entitetin merengue.
Mesfushori turk ka realizuar një nga ëndrrat e tij vetëm në moshën 18-vjeçare dhe këtë sezon do t’i bashkohet skuadrës së bardhë. Drejtuesin e Realit, nuk hezituan ta ndjekin lojtarin në javët e fundit pasi analizuan sezonin e tij madhështor, edhe pse konkurrenca ka qenë e ashpër.
Një nga skuadrat që e joshi fort lojtarin e Fenerbahçes ishte Barcelona dhe madje shkuan aq larg sa e bënë fakt të kryer në mediat katalanase nënshkrimin e tij. Megjithatë, kur Real Madrid ndërhyri, Güler nuk pati asnjë dyshim dhe vendosi të nënshkruajë për skuadrën e bardhë.
Ky vendim vazhdon të shihet me sy të keq në Barcelonë dhe një gënjeshtër e re është shpikur për të justifikuar transferimin e tij. Me këtë rast, gazetari Toni Juanmartí ka raportuar se nënshkrimi i lojtarit i ka kushtuar Real Madridit rreth 50 milionë euro .
Transferimi i lojtarit turk është mbyllur në 20 milionë euro plus 10 të tjera bonuse. Në total, transferta është mbyllur në rreth 30 milionë dhe është në përputhje me atë që është kërkuar nga të dyja palët në çdo moment, si nga ambienti i lojtarit ashtu edhe nga Fenerbahçe e Stambollit.
Discussion about this post