Manchester City ka triumfuar në finalen e Kupës së Anglisë, përballë rivalëve të tyre, Manchester United me rezultatin 2-1.
“Citizens”, dukshëm më faviritë se “Red Devils”, fituan në finale duke dominuar me lojë dhe raste të krijuara nda kundërshtarëve të tyre.
Fatet e takimit, u duk se u vendosën që në sekondat e para të lojës, me City-n që kaloi në avantazh pas 12 sekondash, me Gundogan, i cili goditi saktë në ajër, duke mposhtur De Gean.
Pas këtij goli, u duk se “Sky Blues” do të hipotekonin që në 45 minutat e para trofeun e FA Cup, por United arriti të mbijetonte duke qënë me fat si dhe duke u mbrojtur mirë.
Në një nga kundërsulmet e pakta të djmeve të Ten Hag, ndodhi befasia. Një pasim me kokë i Wan-Bisaka, u devijua me dorë nga Grealish. Gjyqtari i ndeshjes, pas rishikimit në VAR, akordoi 11-metërsh, të cilin e transformoi në gol, në minutën e 33’, kapiteni Bruno Fernandes.
Me këtë rezultat, përfundoi pjesa e parë e finales.
Në pjesën e dytë, të dyja skuadrat zbritën në fushë pa shumë ndryshime në rreshtime, me Cityn që ishte sërish më kërkues.
Dominimi në lojë i djemve të Guardiolës solli dhe golin e dytë të kampionëve të Anglisë, me Gundogan (51′) që realizoi përsëri me një goditje në ajër, i ‘ndihmuar’ edhe nga reagimi i ngathët i portierit De Gea.
United kërkoi të rikthente baraspeshën, megjithatë mungesa e saktësisë përballë portës së “Citizens” si dhe reagimet e shkëlqyera të portierit Ortega, bënë që trofeu i FA Cup, të fitohej nga klubi i sheikëve.
Ky trofe ishte i dyti këtë sezon, pas kampionatit. Haaland me shokë, kanë dhe një trofe për të kompletuar “tripletën”. Më 10 qershor, Manchester City do të ndeshet me Interin e Milanos, në finalen e Champions League./m.b /gijotina.com
Discussion about this post