Analisti Lorenc Vangjeli është paraqitur në emisionin “Opinion” mbrëmjen e së mërkurës i “armatosur” me gurë dhe një thupër në dorë.
Por Vangjeli nuk e ka pasur inatin as me Blendi Fevziun si drejtues emisioni, as me ndonjë nga të ftuarit, por u shfaq i shqetësuar për atë që e konsideron si “drejtësia popullore” ndaj ish-ministrit nën hetim, Ilir Beqaj.
Vangjeli tha se në rastin e Beqajt, por edhe të çdokujt tjetër që hetohet nga SPAK duhet pritur një vendim gjykate.
Debati
Lorenc Vangjeli: Është thupër kurse këta janë gurë. Ajo është thupra me të cilën unë dua të rrah Ilir Beqajn, i cili është shpallur…
Blendi Fevziu: Do rrahësh ti Ilir Beqajn? Pse?
Lorenc Vangjeli: Njësoj si në Sudan, si në Irak, si në Jemen, sepse unë lexoj portale.
Blendi Fevziu: Po pse kjo dhëmbshuri sepse nuk është vetëm Ilir Beqaj… çdo njeri që akuzon SPAK-u, edhe portalet, edhe televizionet.
Lorenc Vangjeli: Ka thupra plot. Me aq sa ka lexuar dhe kam parë nëpër studio, me Beqaj është ‘kry punë’, thuhet në zhargon. Drejtësia popullore ka mbaruar punë me të. Edhe për Saliun vjen kjo. Më shumë se gjysma e shqiptarëve mendojnë që ai është grabitës. Po flas për mentalitetin.
Ne shqiptarët jemi të padururar. Përpara se ta thotë fjalën drejtësia e themi ne. Problemi është të sillesh si reformator. Me gurë do ta vrasim. Kjo është urrejtja jonë. Unë dua që të shplaj shpirtin si kori i madh i njerëzve. Kemi juristë popullorë që e kanë dhënë verdiktin, unë dua të jem si ta, të them që e urrej. Dhe kur e them këtë për Ilirin, natyrisht e them edhe për z.Sali. Sepse ajo që di unë, është Perëndimi që të konsideron të pafajshëm…
Discussion about this post