Gurët bllokojnë aksin Klos-Bulqizë, shoferët dalin nga makinat e i heqin vetë

Masive të mëdhenj gurësh kanë bllokuar rrugën nacionale Klos – Bulqizë në vendin e quajtur Klos Katund.

Shembja e gurëve ka rrezikuar jetën e drejtuesve të mjeteve dhe pasagjerëve. Ndërsa, kanë qenë këta të fundit që kanë dalë për të larguar gurët e mëdhenj. Si rezultat i gurëve u bllokua qarkullimi i automjeteve në të dy anët e lëvizjes, duke krijuar varg të gjatë makinash.

Theksojmë se, rënia e gurëve në rrugë është bërë e rrezikshme ditët e fundit në aksin nacional Klos – Bulqizë. Ndërsa autoritetet nuk kanë qenë në gatishmëri, çka ka detyruar drejtuesit e mjeteve të ndërhyjnë vetë.