Skënderbeu u rikthye në Superiore me fitore, duke mposhtur në transfertë, fituesit e Kupës së Shqipërisë, Egnatian e Rrogozhinës me rezultatin 0-1. Trajneri i bardhekuqve, Ivan Gvozdenoviç u shpreh shumë i lumtur pas fitores, duke shtuar se kjo fitore i jep besim skuadrës.
“Fitorja? Patjetër që kishim besim. Ishte vështirë dhe shumë stresuese. Për mendimin tim e merituam, por kam shumë respekt për Egnatian. Ka shumë cilësi dhe skuadër shumë e mirë. jam kënaqur me pikët por edhe sepse kam një skuadër të talentuar me të rinj dhe sot fituan besim.
Arma e fortë e Skënderbeut? Ishim të përgatitur për kundërsulm sepse kemi dy lojtarë të Shpejtë si Rashica e Nikaj. Nga pankina kisha Likën dhe Jurin dhe ky ishte një plus për ne. Kishim besim dhe pak fat dhe ia dolëm.
Objektivi? Jemi vetëm në javën e parë dhe nuk mund të flasim. Kemi edhe 35 javë dhe kampionati është i fortë. Ecim çdo ditë.
Merkatoja? Kemi firmosur me një sulmues nga Kameruni dhe merkatoja do të jetë e hapur deri në 31 gusht”, tha Gvozdenoviç për emitentin privat “MCN TV”
Discussion about this post