Opinionisti Arbër Hajdari ka bërë një postim lidhur me eksperiencën në ‘Big Brother VIP’, ku përshkruan gjithçka, nga pranimi i ftesës deri te mendimet që ka dhënë lidhur me situata të caktuara.
Ne postimin e tij, Hajdari është shprehur se e ka pranuar ftesën për të qenë opinionist në “BBVIP” për të treguar qëndrimin e tij në raport me shoqërinë shqiptare, me vlerat e saj morale, qytetërore e njerëzore si edhe për të komentuar në mënyrë të drejtë dhe të saktë lojën e banorëve në shtëpi.
Po ashtu nuk kanë munguar as komentet nga ndjekësit ku njëri prej tyre është shprehur: Edhe ca lek, s’është keq.
Ndërkohë reagimi i Arbrit ndaj këtij komentuesi ka qenë i menjëhershëm. Ai thekson se ka gjëra që janë më të rëndësishme se paraja në këtë jetë.
“Ju është bere mendja leke leke leke. Arsyet i kam shkruar me lart pse kam shkuar. Nuk kam shkuar për asnjë lloj pagese, zero! Nuk behet çdo gjë për leke ne ketë bote!”, i është kthyer Hajdari.
Posti i plote
“Të nderuar miq, Në 5 tetor të vitit që lamë pas, pranova ftesën për të marrë pjesë në programin televiziv “Big Brother Vip”. Nuk ishte e lehtë për mua që gjatë këtyre muajve të ndiqja misionin tim me Fundjavën dhe gjithashtu këtë program.
Mora pjesë sepse: Së pari, doja ti tregoja shqiptarëve se çfarë mendimi kam për shoqërinë, për vlerat qytetare, morale, njerëzore, intelektuale, çfarë besoj e përfaqësoj, për tema të ndryshme.
Së dyti për të komentuar drejt, pa dallime, pa paragjykime, lojën e banorëve në shtëpi. Në fakt të qenit opinionist në këtë program kaq të ndjekur nuk ishte e lehtë, ishte një sfidë e imja. Shpresoj që gjatë gjithë kësaj kohe, të jem treguar i drejtë me mendimet e mia.
Ju faleminderit të gjithëve për komentet e mesazhet e shumta gjatë gjithë kësaj kohe”, ka shkruar Hajdari në postimin e tij.
Discussion about this post