Aktorja dhe njëherazi deputetja në Kuvendin e Kosovës, Adriana Matoshi, është shprehur se “nuk është e aftë” të bëjë politikë të mirëfilltë.
Teksa ka pozuar për kopertinën e revistës “Class”, deputetja ka dhënë edhe një intervistë, ku ka folur për jetën dhe karierën e saj në politikë.
Gjatë intervistës, aktorja Matoshi tha se di të ndihmojë njerëzit, të dëgjojë ankesat dhe kërkesat e tyre.
“Unë nuk di të bëj politikë. Unë di të ndihmoj njerëz, të dëgjoj ankesat dhe kërkesat e tyre. Pastaj, insistoj për ato gjëra, por nuk është që nuk kam bërë asgjë. Jam shumë e fokusuar tek dhuna në familje, tek femijët e sëmurë, tek komuniteti artistik, por mos u habitni që jam e re në këtë rreth.
Fillimisht, më është dashur t’i mësoj disa terma që nuk i kam ditur e dalëngadalë kam bërë edhe punë të mira. Për momentin nuk kam menduar ta lë, të ardhmen nuk e di, aty vendos populli”, tregoi Adriana Matoshi.
Discussion about this post