Ish-mbrojtësi i Kombëtares së Anglisë dhe Liverpool, Jamie Carragher, beson se Paris Saint-Germaini nuk do ta fitojë kurrë Champions Leaguen me Lionel Messin, Neymar dhe Kylian Mbappe.
Ish-futbollisti që tashmë është analist në Paramount Plus, theksoi se treshja më e famshme e sulmit është shumë pasive në fushë dhe sipas tij kjo gjë i zbeh shanset e PSG-së për të fituar trofeun më të rëndësishëm për klube.
“T’i them katër ekipet njëra prej të cilave do ta fitojë Championsin, Manchester City, Liverpooli, Chelsea apo Bayern Munich. Me ata tre PSG-ja nuk ka asnjë shans të fitojë Champions Leaguen. Paris Saint-Germain nuk e ka asnjë mundësi të vetme ta fitojë. Më hipin nervat duke i shikuar, me Neymar dhe kryesisht Mbappen më shumë se këdo tjetër. E kuptoj Messin deri diku, sepse është 34-vjeçar, i duhet ta ruajë veten për çaste të caktuara, por prapëseprapë PSG-ja nuk mund ta mbajë atë. Mos të harrojmë, Barcelona nuk e ka fituar Championsin për një kohë të gjatë.”-theksoi ai
Është pikërisht kjo treshe, sipas Carragher që e penalizon ekipin e PSG-së në rrugën drejt trofeut të Champions League./K.T/Gijotina.com
Discussion about this post