Deklaratat e fundit nga Kylian Mbappe dhe familjarët e tij janë duke i bërë të gjithë lëmsh. Pasi ylli i Kombëtares franceze tha se kishte kërkuar largimin nga PSG-ja në drejtim të Real Madrid, nëna e tij Fayza Lamari ka bërë një deklaratë shumë ndryshe.
Në një intervistë për ‘Le Parisien’ ajo tha sulmuesi do të rinovojë kontratën me klubin parisien.
“Klubi dhe djali im janë ende duke negociuar një rinovim. Tani për tani ne po diskutojmë me PSG për një rinovim dhe gjërat po shkojnë mirë. Unë gjithashtu fola me Leonardo të hënën e kaluar”.-tha ajo
Nëna e kampionit francez në përfundim deklaroi: “Nëse gjejmë një zgjidhje? Një gjë është e sigurt: ai do të japë gjithçka deri në fund për të fituar Champions League. Kylian duhet të jetë i kënaqur. Nëse nuk është i lumtur, ai mund të largohet. Ai na e thotë shpesh këtë, por si nënë mund t’ju siguroj se me Kylian, gjithçka mund ta ndryshojë nga një ditë në tjetrën”.
Ndërsa sipas medias franceze mësohet se sheikët do të dërgojnë një ofertë të re rinovimi, që do ta bënte sulmuesin lojtarin më të paguar në skuadër, madje para Messit dhe Neymarit./K.T/Gijotina.com
