Lojtari i Tiranës Michael Ngoo tregoi sot pas ndeshjes së kryeqytetasve me Skënderbeun se te bardheblutë është “habitati” i tij perfekt.
Pasi fituan me rezultatin 4-2 ndaj kundërshtarëve, Ngoo ka theksuar siç bëri të mundur të humbte 10 kg në 5 javë në të njëjtën mënyrë do punoj fortë për titullin kampion, që siç shton e do me patjetër këtë sezon.
“Kam ikur si kampion dhe dua të kthehem si i tillë. Nëse luftojmë dhe luajmë me zemër mund të arrijmë shumë. Kam humbur 10 kilogramë në 5 javë. Kam rregulluar ushqimin dhe po stërvitem shumë mirë. Kam ngrënë shumë peshk, karota dhe proteina.
Ishte shumë bukur me tifozët, është hera e parë pas shumë kohësh. Nuk i kisha parë prej koronavirusit, por ishte shumë e bukur eksperienca me ta sot. Dua të vazhdoj statusin si kampionë.”, përfundoi Ngoo./Gijotina.com
