Presidenti i Breshias, Masimo Çelino ka habitur me deklaratën e tij duke theksuar se skuadra e Interit nuk e ka merituar titullin kampion edicionin e kaluar.
“COVID-19 ka qenë një justifikim për shumë shoqëri të cilat ia faturuan humbjet e tyre pasojave të pandemisë, por të gjithë e dimë shumë mirë se nuk është totalisht kështu. Sidomos në Serinë A, aty ku të gjithë mund t’i bëjnë llogaritë se sa do të humbasin dhe do të fitojnë.
Nëse Interi fitoi vitin e kaluar kampionatin me një humbje prej 245 milionë eurosh, në të vërtetë ka humbur kampionati. Triumfi duhet të vijë edhe në drejtimin e bilanceve. Milanit ia njoh situatën dhe mendoj se e ka merituar Skudeton më shumë se Interi”, përfundoi Çelino
