Sa më shumë që banorët e “Big Brother VIP” qëndrojnë brenda shtëpisë, aq më shumë zbulojnë detaje të pathëna nga jeta e tyre personale që nuk i kanë rrëfyer më parë.
E tillë ka qenë dhe një bisedë e bërë së fundmi mes dy banoreve, Einxhel dhe Semi, teksa ishin duke biseduar së bashku në oborrin e shtëpisë.
Jo më larg se para disa ditëve, këngëtarja tregoi se do të donte të takonte ish-partnerin e saj, Bojken Lakon, teksa gjatë bisedës me prezantuesen ajo është shprehur se ka një djalë jashtë shtëpisë që e pëlqen.
“E pëlqej, por s’e di si do jenë gjërat kur të dal se kam shumë pak kohë që e njoh. Unë mendoj që e ka parë, thjesht e pëlqej, nuk është se ka ndonjë gjë… do kisha qejf ta shihja.” – u shpreh Semi.
Semi Jaupaj gjithashtu është një nga konkurrentet më të përfolura dhe mund të themi me plot gojë se marrëdhënia e saj me Bojken Lakon ka qenë shumë e komentuar.
Rikujtojmë se Semi dhe Bojken kanë qenë të lidhur për plot 8 vite dhe marrëdhënia mes tyre u zbulua në vitin 2011, kur Semi ishte 19 vjeç. Lajmin e ndarjes e bëri me dije vetë këngëtarja para pak muajsh duke treguar se edhe pse të ndarë ai gjithmonë do të jetë një mik i zemrës për të.
Discussion about this post