Louis van Gaal zhvilloi një konferencë për shtyp për mandatin e tij të tretë si trajner i Holandës, duke treguar një siguri të madhe për veten e tij.
Van Gaal u shpreh se nëse ai do të ishte në krye të Federatës Holandeze të Futbollit edhe ai do të kishte zgjedhur veten si trajner të Kombëtares së tij.
“Nëse do të kisha qenë në vendin e Federatës, edhe unë do të kisha zgjedhur veten time. Sondazhet tregojnë se kam ende shumë admirues. Ishte një nder t’i shërbeja kombit kur më thirrën në vitin 2000 dhe 2012 dhe tani është edhe më shumë.”-u shpreh ai.
Tekniku 70-vjeçar shpjegoi arsyen e kthimit të tij pesë vjet pas daljes në pension: “Unë nuk e bëj sepse dua, por sepse mendoj se duhet të ndihmoj futbollin holandez. I detyrohem shumë futbollit holandez. Në të vërtetë, gjithçka“.
Së fundi, qëllimi i tij është: “Të bëhem kampion botëror“./Gijotina.com
