Skuadrës së Barcelonës i ka ngelur vetëm një mundësi për të vazhduar rrugëtimin në Champions League dhe ajo është fitorja ndaj ‘përbindëshave’ të Bayern Munich.
Një sfidë që duket më shumë se sa e vështirë për ekipin katalanas. E ndërsa me ardhjen në krye të stolit të ‘Blaugranas’ të Xavi Hernandez janë marrë rezultatet pozitive, kjo përballje vendimtare ka për të qenë një sfidë më vete për ta.
Sipas prestigjiozes spanjolle ‘AS’ tekniku është duke punuar në bindjen e lojtarëve të tij se përballja me Bayern do të fitohet nga katalanasit.
Ai raportohet t’i ketë bërë këtë pyetje sot në mëngjes ekipit: “A e mendon ndonjëri se nuk mund të fitojmë në Munih?”
Barcelona do të ndeshet në transfertë me bavarezët pas 15 ditëve, por duket se tekniku ka nisur që tashmë punën për atë sfidë.
Gjithsesi duhet theksuar se para takimit të 8 dhjetorit për raundin e fundit të fazës së grupeve në Champions, katalanasit do duhet të përballen në La Liga me Villarreal dhe Betis./K.T/Gijotina.com
Discussion about this post