Mbrojtësi i Aston Villas, Tyrone Mings i ka habitur të gjithë me deklaratat e bëra në lidhje me planet e së ardhmes.
28-vjeçari ka thënë se pasi të lërë futbollin mund të kandidojë për kryeministër të Anglisë.
Mings ka qenë një kritikues i ashpër kundër racizmit në këtë sport dhe ka kritikuar Sekretaren e Brendshme Priti Patel për pikëpamjet e saj rreth gjunjëzimit në fushë. Lojtari e akuzoi atë për ‘ndezjen e zjarrit’ përpara startit të Anglisë në Euro 2020 në verë.
Patel dënoi abuzimin në baza racore të yjeve të Anglisë si, Marcus Rashford, Jadon Sancho dhe Bukayo Saka, pasi humbën penalltitë e tyre kundër Italisë në finale.
Megjithatë, ai goditi brutalisht deputeten e Partisë Konservatore për Witham në Twitter.
I pyetur se çfarë mund të bënte pas daljes në pension, mbrojtësi i Villas deklaroi për Goal: “Mund të përpiqem të jem kryeministër. Unë jam mjaft i hapur sepse pensionimi nuk është diçka që më shqetëson. Nuk ndihem sikur duhet të më fusin në një rol të trajnerit, sepse është gjithçka që di. Më emocionon të mendoj për atë që mund të ndodhë pas futbollit, por definitivisht nuk jam ende atje”.
Qendërmbrojtësi, i cili ka qenë me Villan që nga viti 2019, do të jetë pjesë e kësaj skuadre deri në 2024-ën./K.T/Gijotina.com
Discussion about this post