Pas sulmit kibernetik që hodhi poshtë portalin qeveritar “e-Albania”, duke e nxjerrë jashtë funksionit thuajse një javë, ka reaguar dhe Prokuroria e Tiranës. Organi i akuzës thekson se ka nisur hetimet për disa vepra penale. Sjellim në kujtesë se një ditë më parë portali E-Albania riktheu situatën në normalitet por pa rikthyer të gjitha shërbimet elektronike.
“Prokuroria pranë Gjykatës së Shkallës së Parë Tiranë ka nisur hetimet për ndërhyrjet dhe sulmin kibernetik të kryer ndaj portalit e-Albania, që sollën mbylljen e përkohshme të shërbimeve online.
Prokuroria pranë Gjykatës së Shkallës së Parë Tiranë ka regjistruar procedim penal për veprat penale:
“Përgjimi i paligjshëm i të dhënave kompjuterike”;
“Ndërhyrja në të dhënat kompjuterike”;
“Ndërhyrja në sistemet kompjuterike”; dhe
“Keqpërdorimi i pajisjeve parashikuar nga nenet 293/1, 293/b, 293/c dhe 293/ç të Kodit Penal”.”-njofton Prokuroria.
Discussion about this post