Kreshnik Hajdari, kryetari i Bashkisë Kuçovë, nuk është ndjerë fare deri më sot as për të keq por as për ndonjë punë të bërë në zonën që përfaqëson. Tani, Hajadari është zgjuar nga gjumi dhe u kujtua se qyteti duhet pastruar. Kështu, shpejt e shpejt dhe pa u lodhur ka hapur një tender. Për të cilin do të shpenzojë jo pak por 1.5 miliardë lekë.
Tenderi ka si objekt “Shërbimi i pastrimit, grumbullimit dhe transportit në vend depozitim të mbetjeve urbane”. Projekt i cili do të zgjas për 4 vjet. Në pikëpamjen e parë, të shpenzosh për pastrimin e qytetit është një vendim i mirë, pasi çdo bashki ka një fond te përcaktuar për këtë shërbim.
Por, kjo nuk do të thotë që kryebashkiakët t’i shpenzojnë pa kriter dhe paratë të vidhen në dritën me diell. Sepse me sa tregojnë faktet këto 1.5 miliardë lekë nuk janë të sigurta që do investohen për pastrim, për aq kohë sa kemi të bëjmë me një aferë.
Pasi tenderi i është dhuruar pa garë fare mikut të Hajdarit. Në dokument shihet se për këtë projekt kanë paraqitur ofertë 3 firma. Por, janë skualifikuar në fazën e parë me argumentin se nuk kanë deklaruar numrin e punonjësve dhe numrin e mjeteve me të cilët do të pastrojnë. Kështu, në garë mbeti vetëm firma “Viola Green” shpk, në pronësi të Marsel Shegës, Fatos Jaupajt dhe Sherif Kapllani. Të tre ata sëbashku me Kreshnik Hajdarin kanë firmosur pa garë kontratë për këtë tender. Kështu, për 4 vitet e ardhshme, ata do të vjedhin nga taksat e qytetarëve të Kuçovës.
“Viola-Green SHPK”, firma që ndot lumenjtë
Ndërsa nuk presim që firma në fjalë të pastrojë vërtetë, pasi është më shumë e njohur për ndotje të përmasave të mëdha. Kujtojmë se dy vjet më parë Inspektoriati Kombëtar i Mbrojtjes së Territorit ndëshkoi me gjobë 2 milionë lekë Bashkinë e Rrogozhinës, e cila kishte kontraktuar firmën “Viola-Green SHPK” për të pastruar mbetjet urbane në këtë qytet.
Shkak janë bërë hedhjet e mbetjeve urbane në territorin e bashkisë Rrogozhinë, në fshatin Zall, pranë bregut të lumit Shkumbin. Për të cilat IKMT ka njoftuar të marrë masa, por nuk është kryer asnjë veprim.
Lexo edhe: Tenderët e pastrimit, Kapri me nipin e Sadri Abazit, kundër Mirit
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post