Rudina Hajdari ka folur për mediat dhe ka thënë se Sali Berisha nuk duhet të kandidojë për shkak se kandidimi i tij krijon kushte të pabarabarta për të tjerët.
“Nëse Berisha kandidon ai duhet t’i japi kandidatëve të tjerë mjaftueshëm kohë për të bërë fushatë në vende të ndryshme për t’u afruar me anëtarësinë dhe për t’i bindur ata. Mendimi im personal është që zoti Berisha nuk duhet të kandidojë sepse krijon kushte të pabarabarta për kandidatët e tjerë. Ai ka pasur ndikim shumë të madh brenda PD-së, ka qenë President, Kryeministër dhe ka luajtur një rol shumë të madh në krijimin e Partisë Demokratike. Të gjitha këto e bëjnë zotin Berisha me një peshë jashtëzakonisht shumë të madhe brenda partisë dhe ka një ndikim të madh tek anëtarësia.”
Përsa i përket rikthimit të saj, Hajdari ka thënë se arsyeja e rikthimit është kriza që ka zënë Partinë Demokratike muajt e fundit.
“Arsyeja e rikthimit tim në Shqipëri është për kriza që ka 8/9 muaj që ka zënë Partinë Demokratike. Një krizë e cila ka vite që akumulohet nga dështimet e njëpasnjëshme që vjen si pasojë e një lidershipi të dobët që nuk arriti të kurorëzohet me një fitore. Shqipëria ngeli me një opozitë goxha të dobët ndaj mendoj që shqiptarët kanë nevojë për një opozitë të shëndetshme për një parti demokratike e cila u krijua për të sjellë demokracinë në vend.”
Hajdari theksoi që dorëheqja e Bashës ka lënë një dritare të hapur për demokratët e përjashtuar ndër vite nga ai, një ndër to edhe ajo vetë. Rikthimi është për të dhënë kontributin e saj në rimëkëmbjen e PD-së dhe opozitës ka thënë Hajdari për mediat.
Discussion about this post