Një vjedhje e rëndë ka ndodhur në Shakovicë të Podujevës, në Kosovë gjatë së enjtes. Rasti dyshohet se ka ndodhur kur familja Elezi kishin shkuar në iftar (orari i ngrënies pas agjërimit) tek vajza e tyre.
Në atë kohë disa hajdutë kanë vjedhur 800 euro dhe rreth 4000 euro bizhuteri ari brenda shtëpisë së tyre.
“I kanë marrë 800 euro dhe dukat asaj resë, krejt çka ka pas ja kanë marrë”, tha për Klan Kosovën pronari i shtëpisë.
“S’ka parë askush asgjë, ka qenë vakt iftari sigurisht”, theksoi ai. Rasti është raportuar tek organet e rendit të cilat tani po e hetojnë rastin.
Discussion about this post