Partia Socialisdte ka miratuar në Kuvend me 74 vota pro, 6 kundër dhe asnjë abstenim ngritjen e Komisionit të Posaçëm Antikorrupsion.
Deputetët demokratë që votuan kundër ishin Ervin Salianji, Albana Vokshi, Lindita Metaliaj, Elda Hoti, Ilda Dhori dhe deputeti i pavarur Agron Shehaj.
Ndërkohë deputetët e tjerë opozitarë të cilët ishin në Kuvend, zgjodhën që të mos votonin.
PS angazhohet nëpërmjet këtij komisioni të luftojë korrupsionin që ka përfshirë pikërisht ministra, kryebashkiakë dhe drejtorë pa fund në qeverisjen qëndrore dhe lokale të kësaj mazhorance, të dfrejtuar nga Edi Rama.
Opozita e ka interpretuar ngritjen e këtij Komisioni të Posaçëm si një tentativë të kryeministrit Edi Rama për të vënën nën kontroll SPAK-un dhe GJKKO-në.
Po ashtu është konsideruar edhe si një manovër elektorale nga ana e kryeministrit Edi Rama ngritja e këtij komisioni.
Komisioni është konceptuar me 11 anëtarë, 6 nga PS dhe 5 nga opozita, teksa posti i kryetarit do t’i përkasë socialistëve. Sipas draftit të publikuar një ditë para votimit në seancë plenare, anëtarët do të jenë kryetarët dhe zv. kryetarët e 4 komisioneve të përhershme parlamentare dhe ata të Këshillit të Integrimit Evropian.
Në krye të këtij komisioni, Edi Rama pritet të vendosë Fatmir Xhafajn, i cili është akuzuar nga opozita për përfshirjen e vëllait të tij, Geron Xhafaj në trafikun e drogës Geron Xhafaj.
Deri më tani opozita ka deklaruar se nuk do të bëhet pjesë e këtij komisioni të propozuar nga socialistët, ashtu siç kanë dëshmuar edhe dy votimet në Kuvend, teksa pritet të shihet se si do të plotësohet përbërja e tij.
Komisioni i Posaçëm do të zhvillojë veprimtarinë e tij në një afat kohor 10 mujor. Në rast nevoje, me kërkesë të arsyetuar të komisionit, Kuvendi mund të vendosë zgjatjen e afatit të ushtrimit të veprimtarisë së komisionit.
Kontradiktore, apo edhe absurde mund ta cilësojmë rolin e këtij komisioni i cili vetëm në 10 muaj do të ‘luftojë’ korrupsionin ku vetë qeveria e drejtuar nga Rama është përfshirë në 11 vite.
Kjo i ngjan asaj shprehjes popullore ku hajduti bërtet: kapeni hajdutin.
Discussion about this post