Alibitë e Erion Veliaj se bashkëpunëtorët e ngushtë në Bashkinë e Tiranës ‘i kanë ngrenë fiq pas kurrizit’ nuk po bindin.
Këtë të Mërkurë, kryebashkiaku ka uruar Bajramin përmes një postimi në rrjetet sociale. Në “FB”, Veliaj ndan pamje të faljes së namazit në “Sheshin Skënderbej”. Në video, shquhen besimtarët të cilët kryejnë ritin e faljes, të rrethuar nga kullat dhe një intensitet ndërtimesh që nxjerrin në pah një shëmti të theksuar urbanistike. “Gëzuar Bajramin! Zoti jua pranoftë sakrificën”, shkruan Veliaj.
Urimi për këtë ditë të shenjtë për besimtarët myslimanë duket se ka acaruar qytetarët, të cilët i përgjigjen se nuk duan që festa e shenjtë për ta të ndyhej nga një “hajdut” si Veliaj.
“Bajrami s’ka lidhje me hajdut, njeri fallco, o lali Eri”, shkruan një komentues.
“Ik o hajdut mos na e ndyj festën”, i komenton një tjetër.
“Sa më shumë që i varfëroni, aq më shumë shtohen hallexhinjtë...”, është një tjetër koment.
Dikush i thotë se po e pret burgu: “Qen, ç’ka di ti ç’ka është Bajrmani, burgu të pret kalbësirë”.
Tre prej bashkëpunëtorët e ngushtë të Veliaj janë pas hekurave lidhur me dosjen e njohur si “5D”, ndërsa të tjerë janë nën masa më të lehta sigurie. Hetimet e SPAK zbuluan se dy drejtorët e “Lalit”, Mariglen Qato dhe Redi Molla zotëronin “de facto” një kompani përmes së cilës u jepnin tendera vetes si drejtues të Ujësjellësit, si dhe merrnin në mënyrë të paligjshme miliona në procedura prokurimi edhe nga Bashkia e Tiranës dhe institucionet e tjera nën varësi. Shuma e arkëtuar i kalon 20 milionë euro. Kompania në fjalë ka marrë po ashtu disa leje ndërtimi nga institucioni që drejton Erion Veliaj.
Për aferat e vartësve, Veliaj pretendon se nuk kishte dijeni, se ashtu si kryeministri Edi Rama, ‘i kanë ngrenë fiq pas shpinës’ edhe pse të dhënat e dosjes hetimore sugjerojnë ndryshe.
Gjithsesi, përpjeka për tu dukur si kryebashkiak debil të cilit ja punojnë pas krahëve ata që ka marrë në punë, duket se NUK po bind. Për opinionin e gjerë, Erion Veliaj është i pari i bandës së drejtorëve hajdutë, që kanë vjedhur ata që i kanë punësuar për ti qeverisur.
Discussion about this post