Grupi “Homeland Justice”, që ka marrë përsipër autorësinë e dy sulmeve kibernetike ndaj faqeve online të institucioneve, ka publikuar sot disa të dhëna të tjera.
Në rrjetet sociale, “Homeland Justice”, publikon një dokument voluminoze me email-e që besohet se janë hakuar nga posta elektronike e disa deputetëve, mes të cilëve janë Ulsi Manja, Fatmir Xhafaj, Alban Xhelili, Benet Beci e Xhemal Qefalia.
Grupi “Homeland Justice” ka publikuar më herët një sërë dokumentash. Mes tyre, kanë qenë lista të zgjeddhësve, certifikatat e sigurisë të punonjësve të Ministrisë. Të dhëna të tjera që janë publikuar prej tyre janë patentat, targat, pagat si dhe listën e punonjësve të SHISH. Ata kanë publikuar dhe të dhënat personale të kryepolicit Muhamet Rrumbullaku, ish-kreut të SHISH, Helidon Bendo, nënkryetarit Oljan Kanushi, ish-drejtorit të Policisë së Shtetit, Gledis Nano si dhe e-mailet e këtij të fundit.
Lista me fluturimet e kryeministrit Edi Rama ishte një tjetër publikim që ngjalli debat në vend, me opozitën që ka kërkuar komision hetimor, duke akuzuar Ramën për shpërdorim detyre dhe vjedhje të parave publike. Kërkesa megjithatë u refuzua nga mazhoranca socialiste.
Mes publikimeve kanë qenë dhe dokumenta të klasifikuara “sekret”, që erdhën pasi do të deklaronte Rama se nga hakerat nuk janë marrë të dhëna sekrete.
Discussion about this post