Një sulm kibernetik i realizuar nga shteti kinez ka goditur Departamentin e Thesarit të Shteteve të Bashkuara të Amerikës në fillim të këtij muaji, duke vjedhur dokumente të ndjeshme.
Sipas një letre drejtuar ligjvënësve amerikanë, sulmi u realizua përmes softuerit BeyondTrust, që u mundësoi hakerëve të fitonin akses në distancë në disa kompjuterë, duke përdorur fjalëkalime të vjedhura dhe anashkaluar sistemet e sigurisë.
Pas njoftimit nga ofruesi i shërbimit, Departamenti i Thesarit kontaktoi Agjencinë e Sigurisë Kibernetike dhe punoi me organet e zbatimit të ligjit për të analizuar pasojat e sulmit.
Sipas deklaratës, malware është hequr dhe nuk ka prova që sugjerojnë se sulmuesi ka mundur të vazhdojë të aksesojë sistemet e Ministrisë së Financave.
Departamenti pranon se kjo është një shkelje e rëndësishme e sigurisë kibernetike dhe se do të informojë Kongresin për më shumë detaje pasi të mblidhen të dhënat.
Pavarësisht vështirësisë për të atribuar sulmin për shkak të teknikave të sofistikuara të hakerëve, kjo nuk është hera e parë që SHBA akuzon Kinën për një sulm të tillë.
Në mars, SHBA, Britania dhe Zelanda e Re akuzuan Kinën për një seri sulmesh kibernetike, një akuzë që Pekini e hodhi poshtë si “plotësisht të pabazë” dhe “shpifëse”.
Discussion about this post