Eksperti i IT-së, Genti Progni ka deklaruar se dy banka të nivelit të dytë në Shqipëri, prej dy ditësh kanë rënë pre e sulmit kibernetik të hackerave.
Përmes një statusi në Facebook, Progni deklaron se askush nuk ka dhënë detaje pse shërbimi i tyre e-banking nuk po funksionon, ndërsa shton se bankat në fjalë po mundohen të justifikohen duke e quajtur si problem teknik.
Ndonëse në status eksperti i IT nuk ka deklaruar se kush janë banka e hackuara, për shkak të komenteve nga qytetarët në panik, Progni deklaron se bankat që dyshohet se kanë rënë pre e sulmit janë Credins Bank dhe Intesa.
“Sot/dje ka ndodhur nje cudi shume e madhe , qe nga dita e djeshme ne oren 17:00 jane sulmuar dy banka te nivelit te dyte , sot gjate dites nje prej isp me te medha ne dijenine time ndoshta dhe me shume ka pasur nje reset ne mase te ruter . Askush nuk jep detaje , bankat edhe pse akoma sherbimi i tyre e-banking nuk eshte kthyer po mundohen ta quajne problem teknik . Nuk mund te kalohet cdo gje pa raportuar e diskutuar sepse neser do jeni perballe nje sulmi me te madh! Nuk ju ndihmon fahehja e probleme! Do perfundoni si AKSHI, sna kane marre asgje , por nderkohe i kemi te gjitha SHESHIT! “, deklaron Progni.
Nga ana tjetër të njëjtin shqetësim me Prognin ka ndarë eksperti i kriminalistikës, Ervin Karamuço ku deklaron me nota ironie se gjatë një komunikimi që kishte zhvilluar me një përfaqësues të lartë të njërës prej bankave, ishte njoftuar se përpjekja për hackerim “kishte dështuar me sukses”.
“Komunikova sot me një person në nivele të larta në njërën prej këtyre bankave. Pranoi parimisht tentativën e fortë të hakerimit, por që kishte dështuar me sukses. Të shohim sa larg dëmeve të mëdha do na mbajë sinqeriteti i këtij komunikim”, shkruan Karamuço.
Ndërkohë nuk ka ende një reagim zyrtar, por gjatë ditës së djeshme është vënë re që ka pasur një fluks fluks qytetarësh nëpër sportelet e këtyre bankave.
Discussion about this post