Publikimi i email-ve sekrete të ish Drejtorit të Përgjithshëm të Policisë së Shtetit, Gledis Nano ka qenë kryefjala e lajmeve të ditëve të fundit pasi informacione sekrete për ngjarje sensitive u bënë publike. Debat gjithashtu shkaktoi edhe vendimi i Prokurorisë e cila iu ndaloi mediave që të publikojnë të dhënat që lidhen me sulmet kibernetike.
I ftuar në ABCLive, gazetari Bledi Gilaj ka deklaruar se për rastin në fjalë prokuroria nuk ka asnjë kompetencë për t’ia ndaluar gazetarëve publikimin e fakteve, ndërsa solli në vëmendje rastin kur prokuroria hodhi poshtë atentatin ndaj Lulzim Bashës, ndërsa nga emailet u faktua e kundërta.
“Këtu prokuroria nuk ka asnjë kompetencë, ajo mund të kërkojë të dhënat shtesë ose ndihmën e AKSHIT. Problemi nuk qëndron te mediat po informacionin do ta marrin grupet kriminale, ky është vetëm fillimi po ama aty ka emra informatorësh të cilët kanë dhënë informacione dhe ai është i rrezikuar, i rrezikohet jeta. Në vend që prokuroria të ndërmarrë hetime po bëhet mashë për të bllokuar informacionin se po dalin sekrete që tregojnë se kanë mashtruar, siç ishte rasti i Lulzim Bashës që dikur prokuroria e mohoi ndërsa tani doli që ishte e vërtetë apo rasti i ambasadës shqiptare në Greqi. Kjo nuk është forma që një Prokurori të reagojë kështu. Kemi cënim të sigurisë kombëtare dhe kryeministri ynë nuk e ka pranuar”, tha Gilaj.
Sipas tij, sulmi është shumë i fuqishëm, pasi vetë Irani është i interesuar për nxjerrjen e këtyre të dhënave dhe nuk është rastësore përzgjedhja e Gledis Nanos.
Discussion about this post