Hakerohet faqja ueb e MASH, dyshohet se pas sulmit qëndrojnë grekët

Faqja web e internetit në Ministrinë e Arsimit dhe Shkencës (MASH) në Maqedoninë e Veriut ka rënë pre e sulmit të hakerave.

Prej disa orësh në faqen e kësaj ministrie shfaqet mesazhi , në të cilin thuhet se faqja është hakeruar nga hakerat grekë “HACKED BY GREEK HACKINGTEAM NETËATCHERS”.

Për shkak të sulmit, nuk hapet asnjë nënfaqe e kësaj ueb faqeje, ndërsa të gjitha lidhjet e publikuara çuan në një video në YouTube të titulluar “Maqedonia e famshme”, shkruan Alsat.

Për momentin, faqja është plotësisht jashtë linje.