Arion Kurtaj, me origjinë shqiptare, është 18 vjeccari që po përballet me një gjykatë në Londër, pasi akuzohet për hakërrim dhe më pas shantazhimin e disa kompanive, duke përfshirë zhvilluesin GTA 6Rockstar.
Rrjedhjet famëkeqe të GTA 6 në shtator 2022 tronditën industrinë e lojrave deri në themel.
Më 18 shtator 2022, një haker anonim i quajtur “teapotuberhacker” zbuloi disa klipe të lojës së ardhshme Grand Theft Auto dhe ofroi të shiste kodet burimore për Grand Theft Auto 5. Disa ditë më vonë, u zbulua se hakeri ishte një djalë adoleshent nga Londra me emrin Arion Kurtaj.
Rockstar Games dhe kompania e saj mëmë, Take-Tëo Interactive, ndërmorën menjëherë veprime ligjore kundër incidentit. Kjo çoi në zbulimin e akteve më të tmerrshme të kryera nga hakeri. Arion Kurtaj aktualisht është nën juridiksionin e gjykatës së Londrës dhe është në pritje të gjykimeve të tij.
Shqiptari është duke u gjykuar për 12 vepra penale, duke përfshirë tre akuza për shantazh, dy akuza për mashtrim dhe gjashtë akuza sipas ligjit të keqpërdorimit kompjuterik, ai mund të shpëtojë paq.
Sipas agjencisë mediatike Reuters, i riu shqiptar i është nënshtruar ekzaminimeve nga psikiatri, dhe sipas tyre është i papërshtatshëm për t’u gjykuar. Ndaj një juri do të vendosë vetëm nëse është ai që i ka kryer krimet, dhe nëse është apo jo fajtor.
Përveç GTA 6, Kurtaj akuzohet se ka hakuar kompanitë Uber dhe Nvidia, si dhe i ka kërcënuar ata se do të publikojë kodet e sigurisë në internet.
Sipas prokurorëve, Arion Kurtaj jo vetëm që ka hakuar serverët e Rockstar Games dhe ka nxjerrë video të lojës GTA 6, por edhe ka kërcënuar stafin e studios për publikimin e kodeve burimore të lojës.
Arion është një djalë adoleshent 18-vjeçar nga një grup hakerësh i quajtur “Lapsus$”. Sipas raportit, ai ka edhe një partner në krim, i cili nuk mund të përmendet për moshën e tij të mitur (17 vjeç).
Discussion about this post